政Whats噏:周庭獄中編配洗衣房 怕凍着7件衫上身保暖

advert area

call to place your advert banner here +2348100526724 0r +2348112034599
政Whats噏:周庭獄中編配洗衣房 怕凍着7件衫上身保暖
周庭喺獄中主要負責洗衫。
前香港眾志成員周庭早前申請保釋外出等候判刑上訴被拒,保釋唔到嘅佢今個聖誕節就喺羅湖懲教所過,有區議員喺聖誕當日(25日)去探監,話可能天氣凍,加上周庭本身都好怕凍,所以見佢當日都着咗7件衫先夠暖。其實睇返天文台記錄,當日北區嘅最低溫度係攝氏16.8度,咁嚟緊除夕(31日)凍到攝氏7度,到時點算呢?
話說周庭早前承認喺舊年6月21日參與及煽惑包圍灣仔警察總部的未經批准集結,被判監10個月,佢之後就判決上訴,並同步申請保釋外出等候上訴,但後者就畀高院原訟庭以「未能證明減刑上訴有極高成功機會」而拒絕。
喺周庭影片頻道今日發布嘅影片中,見到南區區議員袁嘉蔚喺聖誕節帶咗一啲書本、畫冊、女性用品等物品去探周庭,並喺探監後指周庭喺獄中覺得好凍。因為袁嗰日見周庭包到成隻糉咁,着咗足足7件衫先夠暖咁話。
袁又轉述周庭話依家喺監獄有報蛋糕班玩吓,而周庭喺入面被編配到洗衣房,每日所有囚犯嘅衫佢都有份洗。話時話,周庭咁怕凍,過兩日冷風殺到,唔知佢要着幾多件衫先夠暖?
前香港眾志成員黃莉莉、鄭家朗、廖偉濂、何嘉柔同朱恩浩接受傳媒訪問,話6月中至整個7月,迎接《港區國安法》實施,係最緊張嘅時期,形容大家已經喺斷頭台上,只係思考邊個會先被開刀。佢哋又話,對於眾志解散,覺得好可惜,當周庭、黃之鋒同林朗彥入獄,先發覺佢哋嘅存在係好重要咁話。

Be the first to comment

Please Respond to this 👆