【趕做牛Couple】馬國明湯洛雯傳8月結婚

東網喺去年率先爆馬國明同湯洛雯（靚湯）拍拖，2人即受到全城祝福，佢哋仲着手搞馬鞍山半億別墅裝修‧，萬事俱備，只欠一張婚紙。雖然靚湯話如果男友今年攞視帝先嫁，但據知「明湯」已着手籌措婚禮，8月就拉埋天窗。

據知佢哋近日已向好友報喜，馬國明好兄弟鄭嘉穎、林子善、唐詩詠、林子善；湯洛雯嘅好姊妹朱千雪、岑杏賢、張嘉兒等已預留時間出席佢哋婚禮。依家只待馬國明拍完新劇《白色強人II》，就可是全情投入搞婚事。據了解佢哋仲諗緊婚禮場地，因為未知到時疫情狀況，或者會喺私人會所搞簡單婚禮，之後再補擺喜酒。

靚湯接受東網訪時表示：「絕對冇啲咁嘅事，完全唔明邊度傳出嚟！」而聽日（年初二）係馬國明生日，唔知靚湯會點同佢慶祝呢？馬國明就話因為禁聚令，將於家中食飯，女友應該會嚟！